SAKTHI MAALAI IRUMUDI 2014-2015

SAKTHI MAALAI IRUMUDI offering started in MELMARUVATHUR ADHIPARASAKTHI SIDDHAR PEEDAM on november 3,2014 and lasts till February 2,2014.

Thaipoosa Jothy Feburary 3rd.

MELMARUVATHUR ADHIPARASAKTHI SIDDHAR PEEDAM contact number:

source:http://www.omsakthi.com/contactus.htm

For any Enquiry or Information call to updated Telephone No.
91-044-27529313, 27529199, 27529276 (Omsakthi Temple)

Advertisements

SAKTHI MAALAI IRUMUDI 2013-2014

Sakthi maalai irumudi  for the year 2013

starts at november 22nd  2013

and will last till January 15th 2014.

January 16th will be the thai poosa jothy   lighted by  arul thiru AMMA.IRUMUDI

Tags : OMSAKTHI IRUMUDI. MELMARUVATHUR IRUMUDI.BANGARU AMMA IRUMUDI. ADHIPARASAKTHI IRUMUDI

சக்திமாலை – இருமுடியும், சக்திவிரதமும்: மேல்மருவத்தூர்

சக்திமாலை – இருமுடியும், சக்திவிரதமும்.
*****************************************

“அன்னையை மனமுருக நினைத்து, தன் குறைகளுக்காக வேண்டி, சக்தி மாலை அணிந்து முறைப்படி விரதமிருந்து, மேல்மருவத்தூர் சித்தர் பீடத்தினை வலம் வந்து அன்னையிடம் சரணடைந்தால், நினைத்த பலன் அத்தனையும் நிறைவேறும்””சக்திமாலை அணியும் பொழுது ஒரு நிமிடமாவது தன்னை மறந்து சந்தோசமாக இருக்க வேண்டும்.”

“பிறந்ததிலிருந்து இன்றுவரை கடந்து வந்த பாதையை திரும்பி பார்க்க வேண்டும்.”

“கருவறை முன்பு அபிடேகம் செய்யும் போது அரை நிமிடமாவது மனதை ஒருமுகப் படுத்தினால் கூட இந்த முறை இருமுடி அணிந்த பலனைத் தருகிறேன்.”

– சக்திமாலை குறித்த அன்னையின் அருள்வாக்குகள்.

சக்தி மாலை:

சக்தி மாலையைச் சிறு பிள்ளைகள் உட்பட ஆண், பெண் அனைவரும் வயது வரம்பு இன்றி அணியலாம். சக்திமாலையை அணிந்து பக்தர்கள் தாம் இருக்கும் இடத்திலேயே ஐந்து அல்லது மூன்று நாட்கள் விரதம் மேற்கொண்டு மேல்மருவத்தூர் சித்தர் பீடத்தினை அடைய வேண்டும்.

சக்திமாலை அணிபவர்கள் தங்களின் இருப்பிடத்திற்கு அருகில் உள்ள ஆதிபராசக்தி வழிபாட்டு மன்றத்திலோ/சக்திபீடத்திலோ அல்லது தாங்கள் சார்ந்துள்ள மன்றத்திலோ/ சக்திபீடத்திலோ தான் மாலை அணிய வேண்டும்.

சக்திமாலை, இருமுடிப் பை, டாலர் அகியவற்றினைச் சித்தர் பீடத்திலிருந்தோ அல்லது சித்தர் பீடத்திலிருந்து வாங்கி வைத்திருக்கும் மன்றங்கள் / சக்திபீடங்கள் மூலம் பெற்றுக் கொள்ளலாம்.

சக்திமாலை அணிந்தவர்கள் ஒருவரையொருவர் சந்திக்கும் போது முதலில் “ஓம்சக்தி” என்று சொல்லுதல் வேண்டும்.

சக்திமாலை அணிந்து விரதமிருந்து சித்தர் பீடம் வந்து திரும்பப் பெண்களுக்கு மாதவிலக்கு ஒரு தடையல்ல.

சக்திமாலை அணிந்திருக்கும் காலங்களில், உறவினர், பங்காளிகள் வீட்டில் அசம்பாவித காரியங்கள் ஏற்படுமானால் தீட்டு எனக்கருதி மாலையை கழற்றத் தேவையில்லை. மாலையுடனேயே மேற்படிக் காரியங்களில் பங்கேற்று தொண்டாற்றலாம்.

மாலை அணிபவர்கள் (பணிக்கு செல்பவர்கள் உட்பட) ஒன்பது முறைகளுக்கு மேல் மாலை அணிபவர்கள் மஞ்சள் நிற உடைகளும் மற்றவர்கள் சிவப்பு நிற உடைகளும் மட்டுமே அணிய வேண்டும்.

சக்தி விரதம்:

விரத நாட்களில் ஒருவேளை உணவைத் தவிர்க்க வேண்டும். ஐம்புலன்களை அடக்கி, மனக்கட்டுப்பாட்டுடன் தீய பழக்கங்களைத் தவிர்த்துத் தங்களுடைய கடமைகளைச் செய்து கொண்டு அன்னையின் திருநாமத்தை நினைவில் எப்பொழுதும் இருத்தி வழிபடுதல் வேண்டும்.

உறங்கும் போதும் செவ்வடையின் மீதே படுத்து உறங்க வேண்டும். விரத காலங்களில் அந்தந்த மாலை எண்ணிக்கைக்கு உரிய சிவப்பு அல்லது மஞ்சள் நிற உடைகளுடனேயே கண்டிப்பாக இருக்க வேண்டும். மிதியடிகள் தவிர்க்கப்பட வேண்டும்.

காலை, மாலை இருவேளையும் நீராடி அன்னையை வழிபடுதல் வேண்டும். காலை தம் வீட்டில் உள்ள அன்னையின் திருவுருவப் படத்தின் முன் அம்மாவின் திருமந்திரப் பாடல்களைப் பாடி வழிபடுதல் அவசியம்.

மாலை வேளைகளில் தவறாமல் மாலை அணிந்தவர்கள் தாங்கள் வசிக்கும் பகுதியில் உள்ள ஆதிபராசக்தி வழிபாட்டு மன்றத்திற்கோ அல்லது அம்மன் ஆலயத்திற்கோ சென்று கூட்டு வழிபாடு செய்ய வேண்டும்.

அன்னை தன் அருள்வாக்கில் அருளிய வண்ணம், ஐவர் குழுவாகவோ, மூவர் குழுவாகவோ குடும்பங்கள் தமக்குள்ள சேர்ந்து கொண்டு, ஒவ்வொருவர் வீட்டிற்கும், மற்றவர்கள் சென்று அவர்கள் வீட்டிற்கு திருஷ்டி கழித்துவிட்டுக் கூட்டு வழிபாடு செய்துவிட்டு அவர்கள் வீட்டில் அளிக்கும் உணவை உண்ண வேண்டும்.

மேல்மருவத்தூர் புனிதப் பயணம்:

சக்திமாலை அணிந்தவர்கள் மேல்மருவத்தூர் புனிதப் பயணம் துவங்கும் முன் யாரேனும் ஓர் ஏழை வீட்டிற்குச் சென்று செவ்வாடை மீது இருமுடி இறக்கி வைத்து, அவர்களுடன் கூட்டு வழிபாடு நடத்தி தாம் தம்முடைய நிர்வாகத்தினரால் ஏற்பாடு செய்யப்பட்டுள்ள வழிமுறைகளை பின்பற்றி உணவைத் தயாரித்தோ அல்லது கொண்டு சென்றோ அவர்களுக்கு முதலில் உணவு அளித்து விட்டு, பின்னர் அங்குச் சென்ற சக்திகள் உணவருந்த வேண்டும். அந்த ஏழை வீட்டிற்கு முடிந்த அளவு ஆடைதானம் செய்வது சிறப்பு.

பயணம் துவங்குபவர்கள் சற்று தூரம் நடந்து வர வேண்டும். தனி வண்டியில் வருபவர்கள் வண்டியில் அன்னையின் திருவுருவப் படத்தினைப் பொருத்தி மாலையிட்டு, ஆராதனை செய்து வண்டியைச் சுற்றி வந்து, எலுமிச்சம் பழம் பிழிந்து ஊர்தியில் ஏற வேண்டும். முடிந்த வரையில் இரவு நேரங்களில் பயணம் தவிர்க்கப்பட வேண்டும். உந்து வண்டியில் வருபவர்களும், சக்திமாலை செலுத்தியபின் வீட்டிற்கு செல்பவர்களும் 50 கி.மீ. வேகத்திற்கு மிகாமல் பயணம் செய்ய வேண்டும்.

இருமுடிப் பையைத் தோளில் அல்லது தலையில் ஆடைக்கேற்ப எடுத்துச் செல்ல வேண்டும். இயற்கைக் கடன்களைக் கழிக்க வேண்டியிருப்பின் இருமுடியை உடன் வரும் மாலை அணிந்தவர்களிடம் தந்து விட்டுச் செல்ல வேண்டும். தரையில் வைக்கும் போது செவ்வாடை பரப்பி அதன் மேல் இருமுடியை வைக்க வேண்டும்.

இருமுடி செலுத்துதல்:

மேல்மருவத்தூர் சித்தர் பீடதிற்குள் வரிசையாக மந்திரங்களை மனதிற்குள் சொல்லிக்கொண்டு மௌனமாக வர வேண்டும். இருமுடி தொண்டில் இருக்கும் தொண்டர்கள் வழிகாட்டுதல் படி நடந்து கொள்ளவேண்டும். கருவறைக்குச் சென்று தனது மாலையை தானே கழற்றி சுயம்பு அன்னைக்கு அபிடேகம் செய்து, அபிடேகத்திற்கு பின் தானே அணிந்து கொள்ள வேண்டும்.

பிறகு தன்னால் முடிந்த தொண்டினைச் செய்து விட்டு தியானம் செய்து, நீராடி அங்கவலம் வருதல் வேண்டும். உடல் நலிவுற்றவர்கள், கருவுற்றுள்ள பெண்கள், மிகவும் வயதானவர்கள் அங்கவலம் வரத் தேவையில்லை.

சித்தர் பீடத்திலிருந்து கிளம்பும் முன் மாலை அணிந்தவர்களுக்கு, குரு சக்தி எலுமிச்சம் பழம், பூசணிக்காய் கொண்டு திருஷ்டி கழிக்க வேண்டும்.

மாலையைக் கழற்றும் முறை:

சித்தர் பீடத்திலிருந்து வீடு திரும்பும் வரை, சக்திகள் அவரவர்களுக்குரிய மஞ்சள் அல்லது செவ்வடையில் தான் இருக்க வேண்டும். வீடு திரும்பும் போது வேறு எங்கும் செல்லாமல் வீடு திரும்பி அன்னையின் திருவுருவப் படத்தின் மேல் மாலையைக் கழற்றி அணிவித்து விரதத்தினை முடித்துக் கொள்ள வேண்டும்.

சித்தர் பீடத்தில் கொடுக்கப்பட்ட அரிசியுடன் தேவையான அளவு அரிசி கலந்து சர்க்கரை அல்லது வெண் பொங்கல் செய்து தீபாராதனை காண்பித்து, திருஷ்டி கழித்து அனைவரும் உண்ண வேண்டும்.

முக்கிய குறிப்பு:

ஒன்பது முறை சக்தி மாலை அணிந்து இருமுடி அபிடேகம் செய்தி முடித்தவர்கள் பத்தாவது முறை சக்திமாலை அணிவதற்கு முன்பாக, ஒன்பது முறை அணிந்த சக்திமாலையிலிருக்கும் டாலரை தங்கள் வீட்டு முன் வாயிலில் அல்லது பூசையறை வாயிலின் மேல் ஸ்ரீ சக்கரம் தெரியுமாறு பதித்துவிட வேண்டும். ஒன்பது முறை இருமுடி அபிடேகம் முடித்த சக்திமாலை மற்றும் இருமுடிப் பை ஆகியவற்றை ஓடும் நீரில் விட்டுவிட வேண்டும்.

பத்தாவது சக்திமாலை அணிய மஞ்சள் இருமுடிப் பை மற்றும் மாலை, டாலர் புதியதாக வாங்கிக் கொள்ளவேண்டும்.

அவ்வாறே பதிமூன்று முறை மாலை அணிந்து இருமுடி அபிடேகம் செய்து முடித்தவர்கள் 14 வது மாலை போடும் முன் 13 மாலை செலுத்திய ஒருவரின் டாலரை தங்கள் வீட்டு முன் வாயிலில் அல்லது பூசையறை வாயிலின் மேல் டாலரில் உள்ள அம்மன், சுயம்பு வெளியே தெரியுமாறு பதித்துவிட வேண்டும். 13 முறை இருமுடி அபிடேகம் முடித்த சக்திமாலை மற்றும் இருமுடிப் பை ஆகியவற்றை ஓடும் நீரில் விட்டுவிட வேண்டும்.

14 வது சக்திமாலை அணிய மஞ்சள் இருமுடிப் பை மற்றும் மாலை, டாலர் புதியதாக வாங்கிக் கொள்ளவேண்டும்.

“ஓம்சக்தி அம்மாவே சரணம் அம்மா!”

– ஆதிபராசக்தி கல்வி, மருத்துவ, பண்பாட்டு அறநிலை வெளியீடான “சக்தி விரதமும் – சக்தி மாலை அணியும் முறையும்” என்ற நூலிலிருந்து.

இருமுடி பற்றிய அன்னையின் அருள்வாக்கு:

“தொடர்ந்து இருமுடி செலுத்து! ஒன்பது மாலை போதும்! பத்து மாலை போதும்! என்று நிறுத்திக் கொள்ளாதே! நீ செலுத்தும் ஒவ்வொரு இருமுடிக்கும் கட்டாயம் பலன் உண்டு.”

“எங்கெங்கே அதிக அளவில் சக்தி மாலை அணிந்து இங்கு வந்து இருமுடி செலுத்துகிறார்களோ அங்கே அழிவுகள் அதிகம் இருக்காது.”

சக்தி மாலை இருமுடி

• அன்னை அவள் அருள் பெறவே
அவள் அருளிய இருமுடி
• ஆதிபராசக்தியை கண்டிடவே
ஆண்டுக்கொருமுறை இருமுடி
• இன்னல் தீர்க்க இனியவழி
இன்பமாய் சுமப்போம் இருமுடி
• ஈடு இணையற்ற வாழ்வதனை
ஈட்டித் தந்திடும் இருமுடி
• உள்ளக் கழிவை களைந்திடவே
உவந்து அணிவாய் இருமுடி
• ஊழ்வினை செய்வினைகளை
ஊதித்தள்ளிடும் இருமுடி
• எல்லா நலனும் பெற்றிடவே
ஏந்தி வருவோம் இருமுடி
• ஏவல் பில்லி சூனியத்தால்
ஏங்குவோரை காக்கும் இருமுடி
• ஐஸ்வரியம் பல பெறவும்
ஐம்புலனை அடக்கிடவும் இருமுடி
• ஒப்பில்லா வாழ்வு பெற
ஒவ்வொரு ஆண்டும் இருமுடி
• ஓங்காரி உன்னை தேடி
ஓடி வரவே இருமுடி
• ஒளவியம் தீர்த்து எமக்கு
ஒளஷதமாய் வாழ்வளிக்கும் இருமுடி

“ஓம்சக்தி அம்மாவே சரணம் அம்மா!”

– ஆதிபராசக்தி கல்வி, மருத்துவ, பண்பாட்டு அறநிலை வெளியீடான “சக்தி விரதமும் – சக்தி மாலை அணியும் முறையும்” என்ற நூலிலிருந்து.

“• அன்னை அவள் அருள் பெறவே அவள் அருளிய இருமுடி • ஆதிபராசக்தியை கண்டிடவே ஆண்டுக்கொருமுறை இருமுடி • இன்னல் தீர்க்க இனியவழி இன்பமாய் சுமப்போம் இருமுடி,”

இருமுடி செலுத்துவது உன்னுடைய அழுக்குகளை நீக்கிக் கொள்ளவே! உன் உள்ளத்தில் உள்ள அழுக்கு, உன் குடும்பத்தில் உள்ள அழுக்கு, இவ்விரண்டு அழுக்குகளை நீக்கிக் கொள்ளவே அந்த இருமுடி!
ஒழுக்கம், கட்டுப்பாடு இன்றி நீ செலுத்தும் இருமுடியால் பயனில்லை –அம்மா

“இருமுடி செலுத்தியும் பலன் கிடைக்க வில்லையே என்று நினைக்க கூடாது .எப்போதும் அதற்கு பலன் உண்டு .எவரையும் நான் கைவிடமாட்டேன்”.-அன்னையின் அருள்மொழி

“திசை தெரியாமல் அலையும் இன்றைய மக்களை திசை திருப்பவே இருமுடி செலுத்த வைக்கிறேன் .ஒருமுறை இருமடி செலுத்தினாலாவது திருந்துவானா என்று பார்க்கிறேன்”.-அன்னையின் அருள்மொழி

“திசை தெரியாமல் அலையும் இன்றைய மக்களை திசை திருப்பவே இருமுடி செலுத்த வைக்கிறேன் .ஒருமுறை இருமடி செலுத்தினாலாவது திருந்துவானா என்று பார்க்கிறேன்”.-அன்னையின் அருள்மொழி

“இருமுடி அணிந்தால் உங்களுக்கு எதிரான மாந்தரிகம் அழியும்”.–அன்னையின் அருள்மொழி

“மகனே ! இருமுடி விஷயத்தில் நம்புகிறவன் நம்பட்டும் .நம்பாதவன் போகட்டும் .என் தேர் ஓடிகொண்டே இருக்குமடா மகனே!”.-அன்னையின் அருள்மொழி

மேல்மருவத்தூரில் நவராத்திரி விழா 04-10-2013 14-10-2013

நவராத்திரி விழாவின் சிறப்பு

நவராத்திரி விழாவின் சிறப்பு மேல்மருவத்தூரில் அன்னை ஆதிபராசக்தி, அருள்திரு அடிகளாராம், நம் அம்மாவின் உருவில் அவதாரம் செய்து,நாம் தொய்வின்றித் தொண்டாற்ற, தொடர்ந்து பல விழாக்களை அமைத்துத் தந்து அவற்றின் வழி மக்களிடம் மனிதநேயம் மலர, அருள் வழங்கி வருகிறாள். நம் உள்ளங்களில் ஆணவப்புழுக்கள், பொறாமைப் பூச்சிகள் சேர்ந்து நம் உள்ளங்களைக் கெடுக்காமல் இருக்க அருள் வழங்கி வருகிறாள். அதாவது “உங்கள் மனதை அவ்வப்பொழுது தூய்மைப்படுத்திக் கொள்வதற்காகத் தான் இங்கு அடிக்கடி விழாக்களுக்கு அருள் வழங்கி வருகிறேன்.” என்பது அன்னையின் அருள்வாக்கு. சித்தர் பீடத்தில் நடைபெறும் ஒவ்வொரு விழாவும் ஒவ்வொரு வகையாக அமைகிறது. அன்னை ஆதிபராசக்தி, அருள்திரு அடிகளார் உருவில் எழுந்தருளி தம் உடலைவருத்தி நடத்தும் ஆன்மிகப் பெருவிழாக்கள் இரண்டு. ஆடிப்பூரத்தையொட்டி, மருவத்தூர் சித்தர்பீடவளாகத்தில் தம் உடலால் அங்க வலம் வந்து ஆன்மிக ஒளிபாய்ச்சுவது ஒரு நிகழ்ச்சி! புரட்டாதி அமாவாசையன்று, நாகம் போல் தன் உடலை வளைத்து,நெளித்து தம் நாவால் கருவறையில் எரிந்து கொண்டிருக்கும் விளக்கிலிருந்து திரியை எடுத்து, அகண்டத் திரியை ஏற்றி , உலகுக்கு அருள்பேரொளி வழங்குவது மற்றொரு நிகழ்ச்சி. சித்தர் பீடத்தில் நடைபெறும் விழாக்களில் நவராத்திரி விழா தனிச் சிறப்பை பெறுகிறது. ”சிவனுக்கு உகந்தது சிவராத்திரி, சக்திக்கு உகந்தது நவராத்திரி” என்று போற்றப்படுகிறது. அன்னை ஆதிபராசக்தி, உலகனைத்தையும் படைத்தளித்து, ஒவ்வொரு நாளும் இரவு பகலாக இடைவிடாது காத்து வந்தாலும், இந்த நவராத்திரி ஒன்பது நாட்களும் அலைமகளாகவும், மலைமகளாகவும், கலைமகளாகவும் அருளாட்சி செய்கிறாள் என்பது மரபு. ”நவராத்திரி விழா” நம் பாவங்களைப் போக்கிக் கொள்ள நமக்கு வழங்கப்பட்டுள்ள ஒரு வாய்ப்பு ஆகும். நவராத்திரி விழாவில் நமக்கு மூன்று அரிய வாய்ப்புகள் கிடைக்கின்றன. 1. அம்மாவால் கருவறைக்குள் ஏற்றிவைக்கப்படும் அகண்டத்தில், நாம் கருவறைக்குள் சென்று முக்கூட்டு எண்ணெய் ஊற்றிப் பேரொளிச் சுடராக உள்ள அன்னை ஆதிபராசக்தியை வழிபடல். 2. அகண்டத்தில் இருந்து பெறப்படும் எண்ணெயை வாங்கி வந்து நம் வீடுகளில் விளக்கேற்றி வழிபடல். 3. இலட்சார்ச்சனையில் பங்கு பெறுதல். உலகிற்கு ஒளி வழங்கும் பொருள்கள் சூரியன், சந்திரன், நெருப்பு, ஆகிய மூன்றும் அன்னை ஆதிபராசக்தி நம்முள் ஒளியாகவும், நமக்கு ஒளி தரும் இம் மூன்றினுள்ளும் இருந்து அவளே ஒளி தருகிறாள் என்பதை அபிராமிபட்டர்”கிளைஞர் மனத்தே கிடந்து கிளர்ந்து ஒளிரும் ஒளியே! ஒளிரும் ஒளிக்கு இடமே” என்று போற்றுகிறார். “உலகில் அமைதி நிலவவும், மழைவளம் பெருகவும், அகண்ட தீபம் ஏற்றப்படுகின்றது” என்பது அன்னையின் அருள்வாக்கு.அப்படிப்பட்ட அகண்டப் பேரொளியை வழிபட்டால் நம் ஊழ்வினை தணிந்து, துன்ப இருள், அறியாமை இருள், ஆணவ இருள்,ஆகியவை நீங்கி வாழ்வில் இன்பம் காணலாம்.”அகண்டப் பேரொளியை வழிபட்டால் துன்பங்கள் நீங்கும்.”என்பதும் “அகந்தையை அகற்றும் ஆற்றல் அகண்டத்திற்கு உண்டு.” என்பதும் அன்னையின் அருள்வாக்கு.ஆணவத்தின் மொத்த உருவமாக இருந்த மகிடாசுரனை அன்னை ஆதிபராசக்தி அழித்தாள் என்பதன் அடையாளம் தான் நவராத்திரி விழா ஆகும். ”நவராத்திரி அகண்டத்திற்குக் கண்டத்தை நிவர்த்தியாக்கும் தன்மை உண்டு.”என்பது அன்னையின் அருள்வாக்கு. இதற்குப் பல அர்த்தங்கள் உண்டு. கண்டமென்றால் எல்லை என்று ஒரு பொருள். அகண்டத்தை வழிபட்டால் எல்லையில்லாப் பிறவிகளுக்கு, ஒரு எல்லை கட்டி பிறவித்துன்பத்தைப் போக்கும் என்ற தன்மையுண்டு. கண்டமென்றால் கவசம் என்று ஒரு அர்த்தம் உண்டு. நமக்கு அகண்டப் பேரொளி கவசமாக இருந்து துன்பங்களிலிருந்தும், தொல்லைகளிலிருந்தும் காக்கும் என்று தோன்றுகிறது. கண்டம் என்றால் ஆபத்து என்று பொருள். நம்மை எல்லா ஆபத்துகளிலிருந்தும் காக்கும் என்றும் ஒரு பொருள். ”அகண்டத்தில் முக்கூட்டு எண்ணெய் ஊற்றி முகர்ந்து வழிபடுவதால் மூன்று வினைகளும் நீங்கும்” என்பது அன்னையின் அருள்வாக்கு. உணவு, உறக்கமின்றி தவமிருக்கும் துறவிகளாலும் நீக்கிக்கொள்ளமுடியாத, மூன்று வினைகளையும் இல்லற வாழ்வில் ஈடுபட்டு வரும், நம் வினைகளை அகண்டப் பேரொளி நீக்கும்.”உள்ளத்தில் உண்மை ஒளி உண்டானால் வாக்கினில் ஒளி உண்டாகும்” என்றார் பாரதியார். நம் உள்ளத்தில் ஒளி உண்டாக இவ்வொளி வழிவகுக்கிறது. “அகண்டத்திலிருந்து பெறப்படும் முக்கூட்டு எண்ணெய் மூன்று வினைகளையும் நீக்கும்.” அகண்டத்தில் உள்ள அந்த சுடர் ஒளியானது, திரி வழியாக அகண்டத்திலுள்ள எண்ணெய்க்குச் செல்வதால், அந்த முக்கூட்டு எண்ணெய்க்கு, உடல் நோய்களையும், உள்ள நோய்களையும், பழைய வினைகளையும் நீக்கும் ஆற்றல் உண்டு. நவராத்திரியில் அகண்டத்திலிருந்து பெறப்படும் முக்கூட்டு எண்ணெய் வாங்கிவந்து நம் வீடுகளில் முன் வாசல், பின் வாசல், வழிபாடு அறை, போன்ற ஒன்பது இடங்களில் ஒன்பது நாட்கள் ஏற்றி வழிபட்டால் நம் ஊழ்வினை நீங்கி நல்லன நடைபெறுகின்றன. நம் கண்களுக்குத் தெரியாமல் நம் வீடுகளில் இருக்கும் தீய சக்திகள் வெளியேற்றப்பட்டு, நல்ல சக்திகள் குடியேறுகின்றன. “அகண்டத்தில் உள்ளவை பிண்டத்தில் உள்ளன “எனக் கூறுவார்கள். உலகம், நிலம், நீர் நெருப்பு, காற்று, ஆகாயம், ஆகிய பஞ்ச பூதங்களால் ஆனதைப்போல், நம் உடலும் பஞ்ச பூதங்களால் ஆகியது. மணிகள் ஒன்பது. கோள்கள் ஒன்பது. தானியங்கள் ஒன்பது, என்பன போன்று ஒன்பது இரவுகள் நவராத்திரி!. “ஒன்பது” என்பதற்குத் தனிப் பெருமை உண்டு.வீட்டில் ஒன்பது இடங்கள் என்று அம்மா குறிப்பிடுவது போல நம் உடலிலும் ஒன்பது வாயில்கள் உள்ளன.திருமூலர் நம் உடலை “ஒன்பது வாசல் உடையதோர் பிண்டம்” என்று கூறுகிறார்.ஆகவே சித்தர் பீடத்திலிருந்து எண்ணெயைப் பெற்று வந்து ஒன்பது இடங்களில் வீட்டில் ஏற்றி வைத்தால் துன்பங்களைத் தீர்த்துக் கொள்ளலாம். விளக்கினால் துன்பம் தீரும் என்பதைத் திருமந்திரம் ” விளக்கினை ஏற்றி ஒளியை அறிமின்! விளக்கின் முன்னே வேதனைத் தீரும்.” என்று கூறுகிறது. நவராத்திரி விழாவில் இன்னொரு நிகழ்ச்சி இலட்சார்ச்சனை ஆகும். “இலட்சியத்திற்காக செய்யப்படும் அர்ச்சனை இலட்சார்ச்சனை” என்பது அன்னையின் அருள்வாக்கு. சித்தர் பீடத்தில் நவராத்திரி விழாவில் நடைபெறும் இலட்சார்ச்சனையில் பங்குபெற்றி பாவங்களைப் போக்கிக் கொள்ளுதல். நம் வீட்டிலுள்ள ஒவ்வொருவரின் பெயர், நட்சத்திரங்களைக் கூறி சங்கல்பம் செய்யப்பட்டு 1008, 108, தமிழ் மந்திரங்களால் அர்ச்சனை செய்து ஆதிபராசக்தியை வழிபடும் நிலையே இலட்சார்ச்சனை ஆகும். எனவே நம் குடும்பத்தில் உள்ள ஒவ்வொருவரும் நவராத்திரி இலட்சார்ச்சனையில் பங்குபெற்றிப்பயன் பெற வேண்டும். ஊழ்வினையும் ஒவ்வொருவரையும் தனித்தனியே தொடர்ந்து வருவதால் ஒவ்வொருவரின் பெயரிலும் தனித்தனியே அர்ச்சனை செய்ய வேண்டும். அகண்டப் பேரொளியால் கல்வியில் ஆர்வம் காட்டி தேர்ந்த அறிவு பெற்றோர் பலர். உடல் நோய் நீங்கப் பெற்றோர். மன நோய் நீங்கப் பெற்றோர். மகப்பேறு பெற்றோர். நல்ல வேலை பெற்றோர். பதவி பெற்றோர் என்று பயன் பெற்றோர் இலட்சக் கணக்கில் உள்ளனர். சக்திகளே! வீடுவீடாகச் சென்று நவராத்திரி இலட்சார்ச்சனையில் பங்குபெற்றி நாம் பெற்ற பயன்களை மற்றவர்களுக்கு எடுத்துக்கூறுங்கள்.சாதிசமய வேறுபாடற்ற நிலையில் அனைவரும் கருவறைக்குள் சென்று முக்கூட்டு எண்ணெய் ஊற்றி வழிபடலாமெனச் சொல்லுங்கள். அங்கிருந்து அகண்ட எண்ணெயைப் பெற்று வீடுகளில் ஏற்றி, வாழ்வில் ஒளிபெறலாம் எனச் சொல்லுங்கள். ”யாம் பெற்ற இன்பம் பெறுக இவ்வையகம்” என்ற எண்ணத்தோடு உங்களோடு மற்றவர்களையும், நவராத்திரி விழாவில் முக்கூட்டு எண்ணெய் ஊற்றியும், இலட்சார்ச்சனையில் பங்குபெறச் செய்தும் அம்மாவின் அருள்பெறுவோமாக!

ஓம் சக்தி!

நன்றி சக்தி ஒளி செப்டம்பர் 2008 &

http://www.adhiparasakthi.co.uk/

அன்னையின் அருள்வாக்கு

பெற்ற பாசத்திற்கு அன்று தொப்புள் கொடி,வளர்த்த பாசத்திற்கு இன்று கட்டு முடி…” அம்மா நமக்காக ஏற்படுத்தித் தந்த தைப்பூச சக்திமாலை இருமுடி எனும் பொன்னான வாய்ப்பை அம்மா கூறியபடி சிறப்பான முறையில் பயன்படுத்தி,நம் முன் ஜென்ம,நிகழ்கால பாவ மூட்டைகளைக் குறைத்து,ஆன்ம ஈடேற்றத்தையும்,வேண்டிய வரங்களையும் பெற்று வாழ்வில் மேன்மையடைவோம். ஒம்சக்தி பராசக்தி…”

விதியையே மாற்ற வேண்டுமானால்…
உன் விதியை மாற்றியமைக்கும் வல்லமை எனக்கு உண்டு. சாதரணமாக உன் விதியை அனுபவிக்கும் படி நான் விட்டு விடுகிறேன். என்னிடம் அளவுகடந்த பக்தி செலுத்தி, சரணாகதியடைந்து நான் சொல்கிற பணிகளைச் சிரத்தையோடு செய்து வந்தால், அப்போது உன் விதியையும் மாற்றியமைக்கும் செயலை மேற்கொள்கிறேன்

“இருமுடி – பொருள்: இருமுடி என்பதற்கு இருள்முடி என்று பொருள். இதயத்தில் உள்ள இருளைப் போக்க் அணியும் முடி என்ரு பொருள். கணவன், மனைவி இருவரின் அகத்தோற்றத்தையும்் முடி போடுவது என்று பொருள். மற்றும் மனிதனின் அகமும், புறமும் ஒன்றாக இருக்க வேண்டும் என்பதையும் இருமுடி குறிக்கும். அம்மாவின் அருள்வாக்கு.”

:: குடும்பத்தோடு சந்நிதிக்கு வா ::.

பணக்கஷ்டம் காரணமாகத் தொண்டர்கள் சிலர் தாம் மட்டும் அடிக்கடி மருவத்தூர் வருவார்கள்; விழாக்காலங்களில் மட்டும் தான் குடும்பத்தை அழைத்து வருவார்கள்! அவர்கள் நிலை அப்படி! ஆனால் அம்மா அதனை ஏற்றுக் கொண்டது இல்லை!

“அடிக்கடி குடும்பத்தோடு வந்து சந்நிதியை மிதித்துவிட்டுச் செல்லுங்கள் என்று சொல்கிறேன். ஆனாலும் எவனும் கேட்பதில்லை மகனே! இங்கே அடிக்கடி குடும்பத்தோடு வருவதற்குக் கணக்குப் பார்க்கிறான்! ஆனால் குடும்பத்தில் உள்ளவர்களுக்கு ஏதேனும் (பிரச்சினை) வந்துவிட்டால் பாதிராத்திரியில் எழுந்தோடிப் போய் மருத்துவன் வீட்டுக் கதவைத் தட்டி அவன் கேட்பதை அப்படியே கொடுத்துவிட்டு வருகிறான் மகனே! குறிப்பாகச் சொன்னாலும் புரியவில்லை மகனே!” என்றாள் அன்னை

“நெருப்பைக் கண்டு எச்சரிக்கையாக இருப்பது போல் தீமைகளைக் கண்டும் எச்சரிக்கையாக இருக்க வேண்டும்”-அம்மா
“அதிகம் ஆசைப்படுபவனே உண்மையான ஏழை “-அம்மா

“எவனொருவன் ஆதிபராசக்தி மண்ணை மிதித்து விட்டானோ அவனுக்கு ஆன்மிக ஞானம் வர ஆரம்பித்துவிட்டதென்று பொருள். அவனுக்கு அதற்கேற்ற பலன் உண்டு.
எவ்வளவுக்கெவ்வளவு ஒருவன் பொறுமையைக் கடைப்பிடிக்கிறானோ அவ்வளவுக்கவ்வளவு அவன் உள்ளத்தில் தெளிவு ஏற்படும். அப்போது தெய்வ நிலையை உணர முடியும்.

பிரபஞ்ச ரகசியங்கள் தெரிய வேண்டுமா?

“மகனே! தந்திக் கம்பி மேல் உட்கார்ந்திருக்கும் பறவைகட்கு அந்தக் கம்பி வழியே செல்லும் செய்தி என்ன என்று தெரியாது. அதுபோல என்மீது அமா்ந்திருக்கும் உங்களுக்கு என் மூலமாகச் செல்லும் செய்திகள் தெரியாது.

உங்களுடைய அறியாமைக்காக இதைச் சொல்கிறேன்.
பறவைகள் செய்திகளைத் தெரிந்து கொள்ள முடியாமல் போகலாம். ஆனால் நீங்கள் மனது வைத்தால் அந்த ரகசியங்கள் உங்களுக்குத் தெரியவரும்.

ஓரிடத்திலிருந்து மற்றோர் இடத்திற்குத் தொலைபேசிச் செய்தி சென்று கொண்டிருக்கும். ஆனால் இடையில் ஏதோ ஒரு கம்பத்தின் மீது ஏறிக்கொண்டு ஒரு சாதனத்தின் துணையுடன் ஒரு மனிதன் பேசிக் கொண்டிருப்பதைப் பார்த்திருப்பீா்கள்.

அது போல, பிரபஞ்ச ரகசியங்களை உரிய சாதனத்தின் மூலமாகத் தெரிந்து கொள்ள முயற்சி செய்!”

பின்னோக்கிச் சென்று விட்டாய்

“மகனே! உண்மையிலேயே நீ என்னுடைய நெறியைப் பின் பற்றியிருந்தால் எவ்வளவு செய்திகளை நான் தந்திருப்பேன்? முறையாகப் பயிலாததால் முறையாகக் கடைப்பிடிக்காததால் நீ 200 நூற்றாண்டுகள் பின் நோக்கிச் சென்று விட்டாய் என்பதை மறவாதே!”

“செவ்வாடைக்கு செம்மை உண்டு .மகிமை உண்டு ஆகவே செவ்வாடை அணிந்து வருகிறவர்கள் அவற்றை சிதறடிக்காமல் பார்த்துக் கொள்ள வேண்டும்”.-அன்னையின் அருள்மொழி

“சோதனைகள் தான் ஒரு மனிதனை அவனுக்கு அறிமுகப்படுத்துகிறது”-அம்மா
“ஆசைகள் குறையக் குறைய ஆன்மா அமைதி பெறும். எதையும் தாங்கும் சக்தி பெறும்”-அம்மா

நீ செய்யும் காரியங்களின் பலனை நீ அனுபவித்துத் தான் ஆக வேண்டும்-அம்மா
தீய எண்ணங்களையும் தீய செயல்களையும் வளரவிடக் கூடாது. கேட்கிற வார்த்தைகள் நல்ல வார்த்தைகளாக இருக்க வேண்டும். –அம்மா

“ஆன்மீக குரு அம்மாவின் அருள் எப்போதும் நமக்கு உண்டு என்ற நம்பிக்கை இருந்தால் போதும், எந்த வினையும் உன்னை அணுகாது.”
-அன்னையின் அருள்வாக்கு

அன்னையை மனமுருக நினைத்து, தன் குறைகளுக்காக வேண்டி சக்தி மாலை அணிந்து முறைப்படி விரதமிருந்து மேல்மருவத்தூர் ஆலயம் வலம் வந்து அன்னையை சரணடைந்தால் நினைத்த பலன் அத்தனையும் நிறைவேறும்.- அம்மா

இருமுடி செலுத்துவது உன்னுடைய அழுக்குகளை நீக்கிக் கொள்ளவே! உன் உள்ளத்தில் உள்ள அழுக்கு, உன் குடும்பத்தில் உள்ள அழுக்கு, இவ்விரண்டு அழுக்குகளை நீக்கிக் கொள்ளவே அந்த இருமுடி!
ஒழுக்கம், கட்டுப்பாடு இன்றி நீ செலுத்தும் இருமுடியால் பயனில்லை –அம்மா

..::அம்மா::..
அ- என்பது உயிர் எழுத்து
ம் – என்பது மெய் எழுத்து
மா- (ம்+ஆ) -உயிர் மெய் எழுத்து,
உயிராய் மெய்யாய் எம்முள் என்றும்
உயிர்மெய்யாய் உறைந்திருப்பவளே அம்மா !……

உன் மனம் மட்டும் தூய்மையாக இருந்துவிட்டால் எந்த வினையும் இல்லை. எந்த சூனியமும் இல்லை.
-அன்னையின் அருள்வாக்கு.
“ஓம் குருவின் திருவடியே போற்றி ஓம்”

பணம் இருந்தால் எதையும் சாதிக்கலாம் என்று நினைக்காதே, விஞ்ஞானத்தால் பணத்தையும் பொருளையும் படைக்கலாம். ஆனால் மனதுக்கு நிம்மதி. என்னிடம்தான் வரவேண்டும்.
-அன்னையின் அருள்வாக்கு

கூட்டு வழிபாட்டில் கலந்து கொண்டால், பல ஊழ்வினைகள் மாறும். சக்தியருள் கிட்டும். துன்பம் நீங்கும்.
மன அமைதி கிடைக்கும்.
-அன்னையின் அருள்வாக்கு

ஆன்மீக குரு அம்மாவின் அருள் எப்போதும் நமக்கு உண்டு என்ற நம்பிக்கை இருந்தால் போதும், எந்த வினையும் உன்னை அணுகாது.
-அன்னையின் அருள்வாக்கு.

” யார் சக்தி மாலை அணிந்து இருமுடி சுமந்து 9 முறை மருவத்தூர்  வந்தால் பில்லி சூனியம் அவர்களை தாக்காது

ஆலயத்திற்கு எப்படி வர வேண்டும்?
இன்னதற்கு இன்ன பலன் என்று எதையும் கேட்டுத் தெரிந்து கொண்டு ஆலயத்திற்கு வரக் கூடாது. அம்மா! என்ற பாச உணர்வுடன் வந்தால் உனக்குத் தேவையான எல்லாவற்றையும் தருவேன்.

தேவர்களும் முனிவர்களும் முழு உடல் மூடும் அளவு புற்று வளர தவம் இருந்தும் காணப் பெறா கடவுளவள் இக்கலியுகத்தில் எமைக்காக்க மானிட ரூபத்தில் எம் கண் முன்னே எழுந்தருளி இருக்க அதை காணப்பெற்ற எம் கண்கள் என்ன புண்ணியம் செய்தனவோ……ஓம் சக்தி

“இந்த மண்ணை மிதித்தாலே அதற்கு ஏற்ற பலன் உண்டு “.-அன்னையின் அருள்மொழி

“குடிப்பழக்கம் பெண்டாட்டி பிள்ளைகளை மறக்க வைப்பது .இங்குள்ள சக்திகள் குடிகார கனவனை எப்படியாவது என்னிடம் அழைத்து வாருங்கள் .என்னிடம் வந்தால் மறக்க வைப்பேன்”-அன்னையின் அருள்மொழி

“அம்மா அருள் கொடுக்க நினைக்கிற நேரத்தில்தான் ஒருவனுக்கு சிரமத்தை கொடுக்கும்; புத்தியை மாற்றும் , அப்படிப்பட்ட நேரத்தில் ஏமாந்து விடாதே! எனக்கு கட்சி வேண்டாம் சாதி வேண்டாம் உன் அருள் தான் வேண்டும் என்று இரு”.-அன்னையின் அருள்மொழி’

“உன் மனம் மட்டும் துாய்மையாக இருந்துவிட்டால் எந்த வினையும் நெருங்காது. சூனியமும் கிடையாது.”-அன்னையின் அருள்வாக்கு

ஒருவனுடைய நிதானம், தெய்வ பக்தி, அவன் எப்படிப்பட்டவன் என்பதையெல்லாம் அவன் கண்களைப் பார்த்தே தெரிந்து கொள்ளலாம்.

நினைத்துப்பார்:

நாம் பிறந்து வளர்ந்து இதுவரை யாருக்கும் என்னென்ன நன்மை செய்தோம் என்று அடிக்கடி நினைத்துப் பார்க்கும் பழக்கம் ஒவ்வொருவருக்கும் வர வேண்டும்.

உங்கள் தொண்டு வீண் போகாது

எனக்கு நீங்கள் செய்யும் தொண்டு எதுவும் வீண் போகாது மகனே! யார் யாரெல்லாம் குடும்பத்தைவிட்டு, தொழிலை விட்டு, தொண்டு செய்கீறீர்கள் எல்லாம் அறிவேன் மகனே! நீங்கள் செய்யும் தொண்டுகளும் இந்தத் தாய்க்குத் தெரியும். உங்கள் தொல்லைகளும் தாய்க்குத் தெரியும் மகனே!

அம்மாவின் அருள் எப்போதும் நமக்கு உண்டு என்ற நம்பிக்கை இருந்தால் போதும் எந்த வினையும் உன்னை அணுகாது.
-அன்னையின் அருள்வாக்கு

என் ஆலயத்திற்கு வந்துவிட்டாலும்,வினை விதைத்தவன் வினையை அறுத்துத்தான் ஆகவேண்டும்.திருந்தி வாழ முற்படாமல் ஆலயத்திற்கு வந்து போனால் மட்டும் போதாது…”
-இது அன்னையின் அருள்வாக்கு

அம்மாவிடம் வந்து விட்டோம்,அவள் திருவடிகளைச் சரணடைந்துவிட்டோம்.எனவே முன் ஜென்ம,நிகழ்கால பாவ வினைகள் எல்லாவற்றையும் அன்னை பார்த்துக்கொள்வாள்.

எனினும் செய்த பாவவினைகளுக்கான பலன்களை அனுபவித்தே ஆகவேண்டும்.அன்னையிடம் சரணடைவதால் அவ்வினைகளுக்கான பலன்களை நோகாமல் அனுபவிக்கச்செய்கின்றாள்.

எனவே நாம் அன்னையின் வழிகாட்டலின் படி அவள் கூறுகின்ற முறைகளைப் பின்பற்றி, புண்ணியச்செயல்களைச் செய்து பாவச் சுமைகளைக் குறைத்து ஆன்ம ஈடேற்றத்தை நாம் அடையவேண்டும்.

ஓம்சக்தி!!!

அடிகளார் என்கிற ஒரு ஜீவன் இல்லையென்றால் எதுவும் அசையாது என்பதை புரிந்து கொள்
-அன்னையின் அருள்வாக்கு

அம்மாவின் ஆசி.

உங்களுக்கு. மீண்டும் நான் சொல்வது இதுதான்.
உண்மையாக வாழுங்கள். உழைத்து வாழுங்கள்.
வறுமை நோக்கிச் செல்லாதீர்கள். வளர்ச்சி வரும்.
அப்போது வளமையும் வரும்.
அதை அனைவருக்கும் வழங்குங்கள்.
மீண்டும் வலியுறுத்துகிறோம்.
அன்பு பண்பு, பாசம் மிகவும் முக்கியம். அதை உங்களிடம் காட்டுவது போலவே மற்றவரிடமும் காட்டுங்கள். அதுவே உங்களுக்கு திரும்ப கிடைக்கும். அனைவரும் இன்பமுடன் வாழட்டும். மற்றவரையும் வாழ விடட்டும்.
——-இது அம்மாவின் ஆசி.

CAPTIONS:  ammavin arulvakku, adhiparasakthi arulvakku,melmaruvathur  adhiparasakthi arulvakku,amma’s arulvakku,amma, ammavin asi,amma,mother goddess,adhiparasakthi amman,melmaruvathur,adigalar amma,adigalar,patha poojai, irumudi patri ammavin arulvakku